23/Sentabr/2023 TIV yangiliklari
TOSHKENT, 23 sentyabr. /“Dunyo” AA/. O‘zbekiston tashqi ishlar vaziri Baxtiyor Saidov Nyu-York shahrida Kipr tashqi ishlar vaziri Konstantinos Kombos bilan muzokaralar o‘tkazdi, deb xabar bermoqda “Dunyo” AA muxbiri.
«O‘zbekiston-Kipr munosabatlaridagi mavjud salohiyatni ro‘yobga chiqarish, hamkorlikning shartnomaviy-huquqiy bazasini kengaytirish, tashqi ishlar vazirliklari o‘rtasida siyosiy maslahatlashuvlar o‘tkazish va parlamentlararo muloqotni mustahkamlash masalalari Kipr tashqi ishlar vaziri Konstantinos Kombos janoblari bilan uchrashuvimiz kun tartibidan o‘rin oldi», - deb yozdi O‘zbekiston TIV rahbari o‘zining telegram kanalida.