23/Sentabr/2023 TIV yangiliklari
TOSHKENT, 23-sentyabr. /“Dunyo” AA/. O‘zbekiston tashqi ishlar vaziri Baxtiyor Saidov Nyu-York shahrida BMT Sivilizatsiyalar alyansi Oliy vakili Migel Moratinos bilan uchrashdi, deb xabar bermoqda “Dunyo” AA muxbiri.
«BMT Sivilizatsiyalar Alyansining Oliy vakili Migel Moratinos bilan uchrashishdan mamnunmiz, - deb yozdi O‘zbekiston TIV rahbari o‘zining telegram kanalida. – Dunyodagi bugungi geosiyosiy vaziyat yuzasidan fikr almashib, nizolarni hal etish va oldini olishda muloqotning muhim ahamiyatini taʼkidladik. Hamkorligimizning asosiy yo‘nalishlari, madaniyatlararo va dinlararo munosabatlarni mustahkamlash borasidagi aloqalarni faollashtirish bo‘yicha takliflarni ham muhokama qildik».