23/Sentabr/2023 Sport
TOSHKENT, 23-sentyabr. /“Dunyo” AA/. Yunon-rum kurashchimiz Aram Vardanyan Parij-2024 Olimpiya o‘yinlari ishtirokchisiga aylandi, deb xabar bermoqda “Dunyo” AA muxbiri.
Milliy Olimpiya qo‘mitasi maʼlumotiga ko‘ra, sportchimiz ushbu natijaga Serbiyada o‘tayotgan jahon chempionatida kuchli beshlikdan o‘rin olgani orqali erishdi.
-77 kg vazn toifasida bahslarda ishtirok etgan Aram Vardanyan bronza medali uchun kechgan kurashda yaponiyalik Nao Kusakaga imkoniyatni boy berdi. Shundan keyin, u so‘ngi Olimpiada yo‘llanmasi uchun qozog‘istonlik Demeu Jadirayevga qarshi gilamga chiqdi.
Ushbu bahs yurtdoshimizning g‘alabasi bilan yakunlandi va Aram 4 yillikning eng nufuzli musobaqasida ishtirok etish huquqini qo‘lga kiritdi.