23/Sentabr/2023 TIV yangiliklari
TOSHKENT, 23-sentyabr. /“Dunyo” AA/. O‘zbekiston tashqi ishlar vaziri Baxtiyor Saidov Nyu-York shahrida Iqtisodiy hamkorlik tashkiloti bosh kotibi Xusrav Noziriy bilan uchrashuv o‘tkazdi, deb xabar bermoqda “Dunyo” AA muxbiri.
«Iqtisodiy hamkorlik tashkiloti Bosh kotibi Xusrav Noziriy janoblari bilan birgalikda Tashkilotning Toshkentda bo‘lib o‘tadigan sammitiga tayyorgarlik jarayonini batafsil ko‘rib chiqdik, - deb yozdi O‘zbekiston TIV rahbari o‘zining telegram kanalida. -Shuningdek, IHT doirasidagi amaliy hamkorlikni yana-da rivojlantirishga qaratilgan qo‘shma chora-tadbirlarni muhokama qildik».
Eslatib o‘tamiz, 21 sentyabr kuni O‘zbekiston delegatsiyasi IHT aʼzolarining norasmiy vazirlar yig‘ilishida ishtirok etdi. Unda tashkilotning noyabr oyida Toshkentda bo‘lib o‘tadigan 16-sammitiga tayyorgarlikning borishiga alohida eʼtibor qaratildi.