23/Sentabr/2023 TIV yangiliklari
TOSHKENT, 23-sentyabr. /“Dunyo” AA/. O‘zbekiston TIV rahbari Baxtiyor Saidov kecha Nyu-York shahrida Turkiy davlatlar tashkiloti (TDT) Tashqi ishlar vazirlari kengashining norasmiy yig‘ilishida ishtirok etdi, deb xabar bermoqda “Dunyo” AA muxbiri.
«BMT Bosh Assambleyasining 78-sessiyasi doirasida Turkiy davlatlar tashkiloti Tashqi ishlar vazirlari kengashining norasmiy yig‘ilishida ishtirok etdik, - deb yozdi O‘zbekiston TIV rahbari o‘zining telegram kanalida. - Hamkorligimizning dolzarb masalalari yuzasidan samimiy va samarali muloqot qildik, BMT va IHT bilan hamkorlikni kengaytirishga alohida eʼtibor qaratdik. Biz mintaqaviy sheriklikni mustahkamlash, iqtisodiy o‘sishni rag‘batlantirish va umumiy muammolarni hal qilish uchun birgalikda ishlashni davom ettiramiz».